Помощь для молящихся в храме
БОЖЕСТВЕННАЯ ЛИТУРГИЯ
Пе́рвый антифо́н пра́здника:
Стих 1: Воскли́кните Го́сподеви, вся земля́,/ по́йте же И́мени Его́, дади́те сла́ву хвале́ Его́.
Моли́твами Богоро́дицы, Спа́се, спаси́ нас.
Стих 2: Глас гро́ма Твоего́ в колеси́, освети́ша мо́лния Твоя́ вселе́нную,/ подви́жеся и тре́петна бысть земля́.
Моли́твами Богоро́дицы, Спа́се, спаси́ нас.
Стих 3: Во испове́дание и в велеле́поту обле́клся еси,/ одея́йся све́том, я́ко ри́зою. Моли́твами …
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь. Моли́твами…
Второ́й антифо́н пра́здника:
Стих 1: Го́ры Сио́нския, ре́бра се́верова,/ град Царя́ Вели́каго.
Спаси́ ны, Сы́не Бо́жий,/ преобрази́выйся на горе, поющия Ти:/ Аллилу́ия.
Стих 2: И введе́ я в го́ру святы́ни Своея́,/ го́ру сию́, ю́же стяжа́ десни́ца Его́.
Спаси́ ны…
Стих 3: Го́ру Сио́ню, ю́же возлюби́,/ и созда́, я́ко единоро́га, святи́лище Свое́. Спаси́ ны…
Тре́тий антифо́н пра́здника:
Стих 1: Наде́ющиися на Го́спода,/ я́ко гора́ Сио́н, не подви́жится во век.
Тропа́рь Пра́здника, глас 7:
Преобрази́лся еси́ на горе́, Христе́ Бо́же,/ показа́вый ученико́м Твои́м сла́ву Твою́,/ я́коже можа́ху,/ да возсия́ет и нам, гре́шным,/ Свет Твой присносу́щный/ моли́твами Богоро́дицы,// Светода́вче, сла́ва Тебе́.
Стих 2: Го́ры о́крест Его́,/ и Госпо́дь о́крест люде́й Свои́х от ны́не и до ве́ка.
Тропарь
Стих 3: Го́споди, кто обита́ет в жили́щи Твое́м?/ Или́ кто всели́тся во святу́ю го́ру Твою́?
Тропарь
Стих 4: Кто взы́дет на го́ру Госпо́дню?/ Или́ кто ста́нет на ме́сте святе́м Его́?
Тропарь
По вхо́де:
Тропа́рь пра́здника, глас 7
Сла́ва Отцу́ и Сы́ну и Свято́му Ду́ху и ны́не и при́сно и во ве́ки веко́в. Ами́нь.
Кондáк пра́здника, глaс 7:
На горе́ преобрази́лся еси́,/ и я́коже вмеща́ху ученицы́ Твои́,/ сла́ву Твою́, Христе́ Боже́, ви́деша,/ да егда́ Тя у́зрят распина́ема,/ страда́ние у́бо уразуме́ют во́льное,/ ми́рови же пропове́дят,// я́ко Ты еси́ вои́стинну О́тчее сия́ние.
Величание Преображения Господня:
Хор: Велича́ем Тя́,/ Живода́вче Христе́,/ и почита́ем пречи́стыя пло́ти Твоея́// пресла́вное Преображе́ние.
(34)