В молитвах вечернего богослужения внимательные прихожане слышат, как каждый служащий священник поминает вслух священномучеников Российских; в их числе Иларион, архиепископ Верейский.

К сожалению, немногие  православные люди знают о жизни и страданиях за Христа этого светильника Русской Православной Церкви XX века!

Предлагаем вашему вниманию некоторые песнопения и чтения из службы святому Илариону.

Тропа́рь, глас 4:

Святи́телю Христо́в Иларио́не,/ сла́во и похвало́ Це́ркве Ру́сския,/ ра́зум боже́ственный стяжа́в,/ пред безбо́жники Христа́ дерзнове́нно испове́дал еси́,/ Его́же ра́ди страда́ния претерпева́я,/ лю́дем ве́рным возглаша́л еси́:/ без Це́ркве несть спасе́ния.

Ви́дя я́ко безбо́жных мно́жество на ве́ру Христо́ву ополчи́ся, це́ркви святы́я сокруша́я и лю́ди правосла́вныя истребля́я, тогда́ со слеза́ми к уго́дником земли́ на́шея о спасе́нии наро́да Бо́жия взыва́л еси́, святи́телю Иларио́не, земны́й А́нгеле и Небе́сный челове́че. (стихира на Господи, воззвах)

Днесь лику́ет Собо́р новому́чеников Це́ркве Ру́сския, име́я в себе́ священному́ченика всесла́внаго, испове́дника непоколеби́маго, Иларио́на архиере́я богому́драго и моли́твенника те́плаго о душа́х на́ших. (стихира на литии)

Днесь оби́тель Сре́тенская све́тло торжеству́ет, кре́пкаго моли́твенника и пред Бо́гом те́плаго хода́тая тя иму́щи, святи́телю Иларио́не, ты бо в годи́ну гоне́ний и ерети́ческих нападе́ний оби́тель сию́ до́бре упа́сл еси́. (седален по 2 стихословии)

Всечестны́й Иларио́не святи́телю, ве́рный сподви́жник Ти́хона патриа́рха яви́лся еси́, Це́рковь от безбо́жных власте́й и раздира́ющих хито́н Христо́в до́блественне охраня́я. (тропарь в 6 песни канона)

О, пресла́вне святи́телю Иларио́не, учи́телю и́стиннаго богосло́вия, тебе́ от Бо́га дарова́на бысть му́дрость благода́тная, во след отце́м ше́ствовати и и́стину Це́ркве возвеща́ти. Сего́ ра́ди просвети́ ду́ши на́ша помраче́нныя, в ра́зуме церко́внем утвержда́я. (стихира на Хвалитех)

Надеемся, они мотивируют вас, дорогие читатели, прочесть житие священномученика.

(77)